faict aucun tort, desplaisir ne outrage aux dicts religieux qui y estoient. Toutesfoys depuys, par quelque malveillance qu’ilz lui portent, ilz l’auroient poursuivy, ensemble quelques ungs de ses soldatz, par devant vostre court de parlement d’Aix, où par deffaultz et contumaces s’en seroit ensuivy sentence de mort contre le dict cappitaine et soldatz, lesquels n’auroient osé comparoir ni prendre leurs justes deffenses. Et comme ce faict estoit comprins en l’abolition generalle qu’il vous auroit pleu donner à ceulx qui ont suivy le party du dict sr de Carces, et d’aultant que le dict cappitaine Alphantis appartient à force gens de bien et d’honneur, je vous ay bien voulu supplier tres humblement, Monseigneur, luy vouloir octroyer declaration expresse pour ce faict, pour luy et les soldatz qui l’ont suivy et accompaigné, comme ce faict est comprins soubz l’aveu general qu’il vous auroit pleu octroyer au dict sr de Carces ; affin que par ce moyen ilz soyent garentis de la peine en laquelle ilz sont. L’asseurance que j’ay que pour l’amour de moy vous leur accorderez leur requeste fera qu’aprés vous avoir tres humblement baisé les mains, je prieray Dieu vous donner, Monseigneur, en parfaite santé, tres heureuse et tres longue vie. De Nerac, ce xxixe de may 1581.
et serviteur,
Orig. – Arch. de M. le comte H. C. de Meslon. Envoi de M. le secrétaire général du département de la Gironde.
Monsr de Melon, Je partz presentement pour aller à Saincte [Foy. J’ay][1] esté adverty que de là à Coutras il y a, sur les chemins, plusieurs compaignyes. Je ne veulx point passer plus oultre d’un [pas,
- ↑ Les mots entre crochets ont été suppléés. L’original étant en très-mauvais état, on avait indiqué par des blancs, dans la copie envoyée de Bordeaux, les parties détruites.
