Page:Henri IV - Lettres Missives - Tome1.djvu/489

1582. — 21 avril.

Orig. autographe. — B. R. Fonds Béthune, Ms. 8909, fol. 7 recto.

À MON COUSIN, MONSIEUR LE PRINCE DAULPHIN.

Mon Cousin, Je vous escripvis ces jours passez par le sieur de la Roque, que j’ay envoyé devers Monsieur, pensant que fussiez auprés de Son Altesse, et ayant entendu qu’estiez de retour chez vous, et que je m’en vay à present faire un tour Jusqu’en Bearn et aux Eaux-Chauldes^[1], à cause de l’indisposition en quoy je me treuve, comme je l’escrips à monsieur de Montpensier, mon oncle, par Armaignac^[2], que je depesche exprez devers luy et vous, de l’amitié de qui je fais tant d’estat qu’il n’y a personne au monde qui desire plus de vous en rendre preuve que moy. Aimez moy donc tousjours, je vous prie, et faictes moy entendre de vos nouvelles, soubs cette asseurance qu’en effect vous me cognoistrez tousjours

Vostre plus affectionné cousin et parfaict amy,

HENRY.

À la Rochelle, ce xxj^e avril 1582.

1582. — 4 mai.

Orig. — Arch. de M. le comte H. C. de Meslon. Envoi de M. le secrétaire général du département de la Gironde.

À MONS^R DE MESLON,

GOUVERNEUR DE LA VILLE DE MONTSEGUR.

Mons^r de Meslon, J’escris à mon cousin, mons^r le mareschal de Matignon, sur ces troys poinctz que vous m’escrivés : de pourveoir au bois et chandelles pour la garde de Montsegur ; à faire punir les

1. Près Oleron, aujourd’hui dans le département des Basses-Pyrénées.
2. D’Ysoré Jean d’Armagnac était premier valet de chambre du roi de Navarre, et Siméon d’Armagnac, son fils, second valet de chambre.