Orig. autographe. — B. R. Fonds Béthune, Ms. 8909, fol. 7 recto.
Mon Cousin, Je vous escripvis ces jours passez par le sieur de la Roque, que j’ay envoyé devers Monsieur, pensant que fussiez auprés de Son Altesse, et ayant entendu qu’estiez de retour chez vous, et que je m’en vay à present faire un tour Jusqu’en Bearn et aux Eaux-Chauldes[1], à cause de l’indisposition en quoy je me treuve, comme je l’escrips à monsieur de Montpensier, mon oncle, par Armaignac[2], que je depesche exprez devers luy et vous, de l’amitié de qui je fais tant d’estat qu’il n’y a personne au monde qui desire plus de vous en rendre preuve que moy. Aimez moy donc tousjours, je vous prie, et faictes moy entendre de vos nouvelles, soubs cette asseurance qu’en effect vous me cognoistrez tousjours
À la Rochelle, ce xxje avril 1582.
Orig. — Arch. de M. le comte H. C. de Meslon. Envoi de M. le secrétaire général du département de la Gironde.
À MONSR DE MESLON,
Monsr de Meslon, J’escris à mon cousin, monsr le mareschal de Matignon, sur ces troys poinctz que vous m’escrivés : de pourveoir au bois et chandelles pour la garde de Montsegur ; à faire punir les