Page:Henri IV - Lettres Missives - Tome4.djvu/942

920

LETTRES MISSIVES

sion, et feray demain traicter avec ma dicte cousine. Sy, feray en sorte que le dict duc de Mercur se departant du gouvernement de mon dict pays de Bretaigne, je donneray contentement à tous mes subjects et establiray un bon et asseuré repos en icelle. Le beau commencement L qu’il plaist à Dieu me donner en ceste entreprinse me faict esperer que dans peu de jours e seray dans ma ville de Nantes, et que le reste de mon pays de Bretaigne sera reduict en mon oheissance si prompte- ment, que je pourray dans un mois me rendre sur la frontiere de Picardie, ou je vous prie, mon Cousin, d’aller promptement et pour- veoir à la seureté de mes villes, et empescher que mes ennemys n'executent aulcune entreprinse au prejudice de mon service. Aprés que j’auray laict traicter avec ma dicte cousine, je vous donneray plus particulier advis de la resolution qui aura esté prinse ; vous priant, cependant, mon Cousin, de faire advancer l’execution des dictes des- charges et declarations, et commander qu’elles me soyent incontinent renvoyées, faisant neantmoins, à l’instant de la dicte verification, faire rendre graces publiques à Dieu et feux de joye pour la dicte reduc- tion, que je tiens certaine et asseurée, moyennant Yenterinement de nos dictes lettres et non aultrement : et je prie Dieu, mon Cousin, ' vous avoir en sa saincte garde. Au Pont de Cé, ce vf jour de mars 1598. _ HENRY. i . POTIER. Mon Cousin, depuis la presente escripte, _j’ay faict entendre ma volonté à la duchesse de Mercur, tant sur le gouvernement de Bre- taigne, duquel je veulx disposer, que pour les gratifications que le duc de Mercur peut attendre de moy ; en quoy il reste si peu de dili- culte que je vous puis asseurer que nous serons d’accord dans ce jour d’huy : ce qui m'asseure entierement de la Bretaigne, et que fauray moyen d’estre dans un mois sur la frontiere de Picardie, que je vous escriray plus particulierement quand les articles seront signez. Du. vif mars.