voulés porter à l’advenir, et pareillement de la correspondance que je doibs attendre sur l’observation de la paix que Dieu nous a donnée, de la part du Roy Catholique, mon bon frere. A present, je vous envoye mon cousin le duc de Riron, pair[1] et mareschal de France, et les srs de Bellievre et de Sillery, de mon conseil, pour assister au serment que vous avés promis de faire pour la dicte paix ; auxquels j’ay commandé de vous asseurer de mon amitié, en attendant qu’il se presente occasion de vous la tesmoigner par effect, laquelle j’embrasseray tousjours de tres bon cœur, ainsy qu’ils vous diront. Par tant, je vous prie de les ouyr et leur adjouster pareille foy que vous feriés à
Vostre bon frere,
1598. - 3 JUILLET. - Ire.
Orig. — Arch municip. d'Abbeville, Registre des délibérations de 1597 à l5€i9, fol. 299.
Transcription de M. Louandre, bibliothécaire archiviste.
A NOS CHERS ET BONS AMYS LES MAYEUR, ESCHEVINS, MANANS ET HABITANS DE NOSTRE VILLE D’ABBEVILLE.
Chers et bien amez, Nous envoyons le commissaire Mannoyeur expres en nostre province de Picardie, pour recueillir et assembler toutes les compagnies dé Suisses qui sont en, garnison es villes et places d’icelle, et nous les amener de deçà au lieu ou nous luy avons commandé. Dont vous avons bien voulu advertir par la presente, affin que vous teniés la main que ceulx qui sont dans nostre ville d’Abbeville se tiennent prests, d’en sortir pour s’acheminer avec le dict commissaire Mannoyeur, lorsqu’il les ira recepvoir pour cest effect ; voulant aussy que si, lorsque le dict Mannoyeur retournerai de Monstreuil pour amener ceulx qui y sont, il juge à propos, pour la commodité de son voyage, de passer par dedans vostre ville ou mesmes
- ↑ Le maréchal de Biron venait tout-récemment d’être créé duc et pair.
