De la vie saincte radegonde Folio. lxxix.
le corps de Disciolle qui est saincte en paradis fut ensevely en l'é glise de nostre dame qui lors estoit hors des murs de ladite ville de poictiers : et de présent est à l'ung des coustés du tombeau où est le corps de saincte radeqonde et de l'autre cousté est le corps sain cte Agnes sa servante qui fut semblablement Abbesse dudit monastère faincte croix. Et est à conjecture que après ladite sain- cte agnès, richilde fut abesse et après ladite richilde une bonne et dévote religieuse nommée lembouere qui fut bien obéie tant que vesquit saincte radegonde, mais après son décès eut plusieurs grans adversitez comme nous verrons cy après.
¶ Ondit an cing cens quatre vingts et six ainsi qu'il est conte nu ondit xxvix chappitre du sixiesme livre de la cronicque dudict sainct qrégoire y eut une autre religieuse ondit manastere de la quelle n'ay peu savoir le nom : qui ent vision que en allant à la fontaine de vie où elle avoit désir aller, trouva ung homme mer veilleusement beau qui la conduisit. Et que lors qu'ilz furent à ladite fontaine l'eaue de laquelle resplandissoit comme fin argent ainsi que par le commandement de cest homme vouloit boire de fadite eaue/survint une abbesse qui luy feit laisser les vestemens qu'elle portoit. Et la vestit d'une robbe royalle qui tant estoit chargée d'or et pierres précieuses que a peine on la povoit vestir en luy disant ma fille ton espoux t'envoie ce don. Après ceste vision la bonne religieuse feit tant envers son abbesse qu'elle fut renclose en une cellule/où elle fut mise solennellement avecques hymnes et pseaul mes pour saincte radegonde les autres religieuses et leur abbesse. Et quant elle fut à l'entrée de sa cellule après avoir eu prins con gé de toutes ses seurs qu'elle baisa /entra dedans et fut l'entrée incon tinant close et muraillée. Et ne demoura aucune ouverture fors une petite fenestre par laquelle on luy administroit son boire et manger qui fut dèslors enavant de pain et d'eaue seulement. Car d'autres viandes ne voulut depuis user, par quoy aprèes avoir pour longtemps vescu en telle austérité de vie trespassa glorieuse.
