Page:L’Alcoran (traduction de Du Ryer).djvu/565

La bibliothèque libre.
Le texte de cette page a été corrigé et est conforme au fac-similé.
  DE MAHOMET. 607

Seigneur, je crois en un ſeul Dieu qui n’a point de compagnon, je ne vous puis ny conduire ny devoyer que par ſa permiſſion, ſi je luy deſobeis perſonne ne me pourra ſauver, & ſeray ſans protection au jour du Jugement, je ne puis autre choſe pour vous que de vous preſcher ſa loy, c’eſt le ſujet de ma miſſion, celuy qui deſobeira à Dieu & à ſon Prophete ſera damné, & demeurera eternellement dedans le feu d’Enfer. Les meſchans cognoiſtront ceux qui ſeront privez de ſecours & de protection lors qu’ils verront les peines qu’on leur aura preparées. Dis leur, je ne ſçay pas ſi ce qu’ont vous promet arrivera bien toſt, ou ſi Dieu le differera quelque temps, perſonne ſçait le futur que Dieu, & ceux qu’il a eſleus pour eſtre Prophetes & Meſſagers de ſes volontez, il leur inſpire ſes commandemens pour les preſcher aux hommes, il void tout ce que les hommes font, & tient compte exact de toute choſe.