Du Grand Seigneur :
lluſtres & Excellens Commandeurs, refuge des grands Triomphans, Eminens, glorieux, & honorables Seigneurs doüez des graces particulieres de Dieu, Bachats ou Vice-Roys, Beys ou Gouverneurs qui eſtes ſur le chemin de noſtre tres-Auguſte porte au Royaume de France, Dieu perpetuë voſtre gloire. Juſtes Juges des Moſolmans Mineraux de vertu et de ſcience qui eſtes ſur le chemin de noſtre tres-Auguſte porte au Royaume de France, Dieu augmente vos vertus ; Honorables & fidelles Gouverneurs, Capitaines des Frontieres et Chaſteaux, Capitaines des Galleres et Vaiſſeaux, Doüaniers qui eſtes ſur le chemin de noſtre tres-Auguſte porte au Royaume de France, Dieu acroiſſe vos honeurs et voſtre gloire. Lorsque ce tres-Auguste commandement arrivera à vous, ſçachez que le Sieur du Ryer Gentillhomme François eſt envoyé de noſtre part en France pour pluſieurs importantes affaires, lorsqu’il arrivera allant & venant aux lieux de voſtre commandement par Mer ou par Terre, dans nos ports et dans nos Villes ſoubs nos chaſteaux, & en quel autre endroit que ce ſoit, je vous commande de le recevoir avec toute ſorte d’affection & de bon accueil, & ne permettez pas qu’il luy ſoit rendu aucun déplaiſir, directement ou indirectement.Vous luy ferez donner ce qui luy eſt néceſſaire en payant, & faciliterez de tout voſtre pouvoir ſon paſſage, celuy de ſes deux ſerviteurs & de ſes coffres et hardes, & lors qu’il aura fait
