Cant el fo cumenjatz, en la ves lo gal cant ;
El fenic en apres a l’alba pareichant.
L’arma s’en es aleia al Paire omnipotant ;
A Sant Gilil sosterran ab mot ciri ardant,
Am mot kyrieleison que li clerc van cantant.
Cant l’apostolis saub, cui hom ditz la novela,
Que sos legatz fo mortz, sapchatz que nolh fo bela :
De mal talent que ac se tenc a la maichela ;
E reclamet sant Jacme, aisel de Compostela,
E sant Peyre de Roma qui jatz en la capela.
Cant ac sa orazo faita escantit la candela.
Aqui fo fraire A., li abas de Cistela,
E maestre Milos qui en lati favela
Els .XII. cardenals totz en una rodela.
Lai fo lo cosselhs pres per ques moc la fiela
Dont motz homes so mortz fendutz per la buela,
E manta rica dona, mota bela piuzela,
Que anc no lor remas ni mantels ni gonela.
De lai de Monpeslier entro fis a Bordela
O manda tot destruire si vas lui se revela ;
Aisi co m’o retrais maestre Pons de Mela,
Que l’avia trames lo reis qui te Tudela,
- ↑ — 108-9. Il se peut qu’entre ces deux vers il en manque un, car le sens ne se suit pas bien.
avoir mentionné la fuite du meurtrier à Beaucaire, elle ajoute : Car se lo C. Ramon l’aguessa pogut ave ne prendre, n’aguera fait far tala justitia e punition que losdits legat et sa gen ne forent estats contents ; car lodit C. Ramon era tant corrossat et marrit deldit. murtre comes et perpetrat per sondit home que james fouc de causa del monde (p. 3). — 96. Manque le petit vers qui devrait finir la laisse.
