E trembla de felnia sotz son elme embroncat.
Els baros de Gasconha que lai eran mandat,
Que venian al comte iradament, forsat,
Cals que plor o que planha, ilh an ris e jogat ;
E si ditz l’us a l’autre : « Nos em tuit restaurat.
« Ai ! la gentils Toloza complida de bontat,
« Cui Paratges merceja e Merces ab bon grat,
« Cum avetz ab dreitura orgolh dezeretat ! »
Li Frances s’en repairan trist e fel e irat,
Elh baro de la vila son remazut ondrat
Que Dieus e dreitz governa.
Que Dieus e dreitz governa e faitz e en parvens,
Qu’orgolhs e desmesura, engans e falhimens
Son vencutz ab dreitura, car leialtatz los vens.
Per quel coms de Toloza, ab sas petitas gens
E ab bon’ aventura e ab paucs garnimens,
A cobrada Toloza e pres los sagramens ;
El baro ab gran joia obrans e defendens,
En leial senhoria son remazut gauzens.
El coms de Montfort manda los metges sapiens
Que fassan los empastres els enguens ichamens,
E que tragan a vida los nafratz els planhens,
El senher cardenals los preveires ligens
- ↑
— 6433. Ms. erant. La réd. en pr. exagère : Et adonc arribava lo secors que lo comte Guy avia trametut cercar devers l’archevesque d’Aux et los autres (cf. v. 6098) ; et quand son estat alpres de Toloza, an ausit dire com lo C. de M. era estat desconfit amay lo comte Guy son fraire grandamen blessat, dont son estats grandamen joyoses ; et de faict se son retornats de la ont eran venguts. (p. 91).
