Page:La Chanson de la croisade contre les Albigeois, 1875, tome 1.djvu/333

[1218]

321

croisade contre les albigeois.

(p. 197)« E combatetz la vila, que ben es de sazon. »
Ab tant veus .I. messatge qui li ditz .I. sermon :
7865« Senhors, vec vos venir lo rie comte Saishon,
« Ab tant bela crozada que vos hi auretz pron.
— Amics, » so ditz lo coms, « aiso m’es bel e bon ;
« Ez anem los recebre.

CCI.^[1]

« Ez anem los recebre, car hi ha gran mester. »
7870El coms hi vay ab joya e l’autre cumpanher,
N’Amalrics, en Bochartz, en Guiot, en Rayner ;
E lay on s’encontreron, ab bel dig plazenter
Lo coms de Montfort parla e dousament l’enquier :
« Senher coms de Saisho, vostr’amor volh e quier ;
7875« E podetz ben conoisser cum n’ai gran desirier :
« Mais d’amor vos ai faita ques a nulh cavalier,
« Que pos vi vostras letras e vostre latiner
« Quem vendriatz socorrer ab n’Otes d’Angelier,
« Ai bastida la gata el castel el peirier ;
7880« E per que n’aguessatz lo nom el pretz entier,
« No vulh Toloza prendre tro que i fossatz primer.
« Ez auretz de l’aver lo quint o lo carter,
« Ez apres seran vostre tuit li melhor destrier,
« E vos dar n’etz a cels qui n’auran gran mester ;
7885« E diiran per las terras li estranh messatgier
« Que lo rics coms Saishos pres Tholosa l’autrier. »
El coms se pres a riire e ditz .I. reprover :
« Senher coms de Montfort, cent merces von refer
« Car en tant pauca d’ora m’avet[z] fait thesaurier

— 7864. li. corr. lor, ou Senhor au v. suivant. — 7865. Réd. en pr. le comte de Saicho.

1. — 7880. Ms. E p. so q.