Page:La Chanson de la croisade contre les Albigeois, 1875, tome 1.djvu/357

La bibliothèque libre.
Le texte de cette page a été corrigé et est conforme au fac-similé.
[1218]
345
croisade contre les albigeois.

8530« Que pus Dieus pres martiri ni en crotz s’aramic
« Major mort de la sua no volc ni cossentic,
« Ni el ni santa Glieiza no ac milhor amic.
— Senhors, » so ditz lo coms de Saisho, « beus castic :
« Per so que santa Glieiza no n’aia mal repic
8535« No l’apeletz santisme, que anc melhs no mentic
« Nulhs hom que sant l’apela, car descofes moric.
« Mas si la santa Glieiza be amec ni servic,
« Pregatz Dieu Jhesu Crist que l’arma no destric. »
Cascus e son coratge lo mandament grazic
8540E n’Amaldrics la terra trastota possedic ;
El cardenals lalh livra e poih lo benazic.
E lo valens coms joves de Tholosa ichic,
Qu’en Br. Jordas manda, e primers s’afortic,
Que si el comte jove amec ez enantic,
8545Car li rendec la Ilha, e per lui la establic.
E li baro del seti ab fel cor e ab ric
Esteron poih cart dia, que negus no i sortic
Tro foron al dimenge.

    — 8534. repic, corr. respit ? — 8539-42. La réd. en pr. développe considérablement, p.-ê. d’après un texte plus complet, ces quatre vers, mais n’a rien qui réponde aux vv. 8542-54 : Et adonc qu’es estat metut al loc de sondit paire, cascun desdits senhors ly an prestat sagramen et omatge, los que tenian d’el ; et adonc que lodit n’Amalric es estat per lodit cardenal benisit en comte, adonc a mandat son conseilh, car sage cavalier et valen era. E quand son estats ajustats aldit conseilh, lodit n’Amalric comte novel a dict et demonstrat com los de la vila ly an tuat sondit payre, et aussi de sas gens una gran legion ; per laquala causa a deliberat de prendre et d’aver venjansa de losdits de la vila, ses plus atendre ni prolongar : per laquala causa vol que on ane dona l’assault a ladita vila, o que lots y moriscan, o que el prenga ladita vila amay los que son dedins (p. 103).