Cant lo coms de Tolosa ac fait so que volia
Pres comjat de lo papa e tenc mot tost sa via.
A mot grandas jornadas ichit de Lombardia,
Que grant paor avet que i prezes malautia.
E Fransa a Paris albergueron un dia,
Lai troberon lo rei que fon d’avol paria.
Lo coms s’en es tornatz, e ab sa companhia
El intra a Tolosa, aisi co far solia.
Li borzes de la vila n’agro gran gauh sel dia.
Pois pres un parlamen a aicela vegeia
Ab lo coms de Montfort, lai pres d’una abadia ;
Fo i l’abas de Cistel e la autra clercia.
E eu cugei aguessan fait patz e establia,
Que mais no guerregesan a trastota lor via.
Tant agron gran amor que l’us en l’autres fia.
Certas de questz .M. ans eu no m’o cujaria
Que l’abas a Tholosa intres, qui m’o plevia.
Del castel Narbones li doneron bailia.
El el vesques Folquetz n’agron la senhoria
E sin foron capdel.
- ↑ — 995. Cette laisse est développée très-longuement et dans un tout autre esprit par la réd. en pr. (p. 23-5). — 999-1000. Ce passage du comte de Toulouse par Paris (le second, cf. 976) est omis dans la réd. en pr. — 1007. Ms. faita. — 1012. Ms. batlia. — 1013. Ms. El e livesques. — 1014. Cette laisse et la suivante sont développées par la réd. en pr. (p. 24-5) très-librement et dans un sens aussi favorable au comte de Toulouse que défavorable à l’évêque Folquet, « lo qual era ung tresque malvat home », est-il dit, en complète opposition avec le v. 1027.
