Mes anceſtres Empereurs de ceſte Monarchie, ont touſiours fait grand eſtat des ſages qu’ils ont gratifiez de leur pouuoir, & retenu pres d’eux le plus qu’ils ont peu, les fauoriſans en toutes choſes, ce qui a tant eſté apparent, que cet Em pire en eſt la pepiniere, comme vous auez peu voir en l’aſſemblee generale pour l’interpreta tion de mon ſonge, où il ſe trouua des Philoſo phes de toutes nations, habitans en mes terres, ou y paſſans, ou y conuerſans : mais tous ceux là n’ont point encor veu les deſtroits que vous auez paſſez. Ce bon accueil faict à tant de gens de bien par mes predeceſſeurs, eſmeuſt entre autresvn ſage Druyde ancien ſcrutateur de tous ſecrets, auſquels il eſtoit expert, & en ſçauoit tant qu’il en eſtoit nommé le Pere. Ce perſon nage en vertu des aſpects des aſtres, circonuolu—. tions des natures, complexions des meſlanges, &proportion des compoſitions ſuiuant la ſciéce des Taliſmans, forma & polit vn miroir qu’il donna à l’Empereur mon grand pere, le priant de le conſeruer ſoigneuſement, & quant & quät, luy declara la proprieté & vtilité du miroir, dont la vcrtu eſtoittelle, que par luy tous procez pou uoient eſtre vuidez en vn inſtant : car ceux qui auoient tort ſ’y mirans deuenoiét noirs, & d’vn noir ſi honteux, que meſmes il eut eſpouuanté les Mores : Et ſi ceux qui auoient droict ſ’y pre ſentoient, ils demeuroient en leur couleur na turelle, & meſmes l’augmentoient d’vne douce viuacité que le miroiry infuſoit, par ceſte prom pte demonſtration on deſpechoit les parties ſur le champ ; & partant ce ioyau fut nommé le
