c’eſt ſentir pour vn roc de vaines paſſions,
C’eſt trauailler en vain, ſi quelque ſouuenance
Ne promet de l’eſpoir à nos affections.
Et pourquoy vos beaux yeux bleſſent-ils le courage,
Pour oublier le mal qu’a faict voſtre beauté ?
Aurez vous bien le cœur de cauſer vn dommage,
Pour le multiplier par telle cruauté ?
Que ſeruent ces diſcours ſi voſtre ame galante
Ne ſe veut ſouuenir du pouuoir de vos yeux ?
Ces accens vous ſeront comme vne voix paſſante,
Qui ſans fruičt pour neāt s’enuole dans les cieux.
Mais belle vous faignez ce defaut pour cognoiſtre
Quels ſeront les eſprits que uoſtre vous rendez,
Car vous ne voulez pas fauorable paroiſtre,
Pour eſprouuer ainſi ceux que vous poſſedez.
Or quoy que Yous faciez par ce bel artifice,
Si eſt-ce que mon cœur conſtant ſe maintiendra,
Vous rendant tant d’effets d’amour & de ſeruice,
Que poſſible à la fin il vous en ſouuiendra.
Actions & vertu du Roy Eufranſis qui furent cauſe qu’vn grand Filoſophe luy enſeigna la metempſychoſe par le moyen de laquelle vn rare threſor fut trouué.
An dis que l’amour exerçoit ſes magnifiques trauerſes és cœurs de ces amans, il aduint que le Roy termina vne auanture notable, & ce par le conſeil des Fortunez : Or eſt il que ceſte affaire
