tre la vertu en la perfonne d’Etherine,
Diſarchee tenant maiſon ouuerte, eſt cauſe des amours des deux Amās ouurans ceſfe ſeance. L’Ambaſſadeur de la Chine eſt receu & ſatisfait. L’eſtat des vrais Amans. Celuy qui voyoit croiſtre les arbres.
N auoit fait pluſieurs triomphes en l’Hermitage, tant pour l’obſeruation des ſacrez myſteres de l’Anniuerſaire, que pour donner plaiſir à l’Empereur, qui receuoit telles diuerſitez d’occupation d’eſprit, ſi pres les vnes des autres, qu’il n’auoit plus loiſir de penſer à ſa melancholie : Ces beaux diuertiſſemens abattoyent ſa triſteſſe, & releuoyent ſon cœur d’eſpoir, & ſur tout voyant qu’il luy ſuccedoit à plaiſir, ce qui fut occaſion qu’il ſe reſolut, croyant qu’il luy auiendroit vn bien parfait s’il continuoit. Beaux eſprits qui eſpluchez deſia les riches threſors, qui ſont icy enuelopez, cōme en voiles de ſoye, ne penſez pas que nous ſuyuions icy l’ordre par fait de ce qui eſt requis à l’eſtabliſſement de noſtre ouurage, nous pourſuyurons l’auanture declaree. Ceux qui auront le iugemét propre à ces particularitez ſauront choiſir le temps, les endroits & les apparences, ſelon raiſon, cependant nous conduirons cét Empereur au vent de ce deſſein. Le mardy au matin iour attribué à Mars,
