Page:Le Voyage des princes fortunez - Beroalde, 1610.pdf/614

La bibliothèque libre.
Le texte de cette page a été corrigé et est conforme au fac-similé.
571
Fortunez. Entreprise III

_________________________________________________________________


DESSEIN DIXIESME.


La Belle figure viuifiee : puis reduite en pierres : ſes vertus : la tonnelle d’eau : coulombin ſignifie conſtance. Diſcours du brin apportéà l’Empereur. Le petit endroit du Paradis terreſtre, & de ſes merueilles.



IL y auoit deux iours que l’Ambaſſadeur de Boron eſtoit venu en Nabadōce vers le Roy, pour le prier ſur le ſujet de la perte d’Etherine, à ce qu’il y eut moyen, de la chercher en ſes terres & païs de ſon obeiſlance, & d’auantage cét Ambaſſadeur auoit charge de ſ’enquerir ſous le bon plaiſir du Roy, ce qui eſtoit de la belle figure, dont il s’eſtoit enquis en Sympſiquee, & auoit eſté remis à l’hermitage d’Honneur, où elle auoit eſté transferee. Les Princes ayans eſté preſens aux propoſitions de l’Ambaſſadeur, auiſerēt enſemble ce qu’il falloit faire, à ce que l’Empereur n’en ſceut rien, parquoy apres y auoir penſé, ils en auertirent le Roy leur pere, qui deſia informé de tout, remit cét affaire és mains de ſes enfans, faiſant reſponſe gracieuſe & agreable à l’Ambaſſadeur, lequel adreſſé aux Princes, fut reſolu de ce qu’il pretendoit, & auerti de ce qu’il faloit dire, & eſtāt cōduit par eux, veint en la ſale où eſtoit l’Empereur preſque à l’inſtāt que Meliſſe acheuoit sō hiſtoire. Eſtans entrez, l’Ambaſſadeur fit la reuerençe à l’Empereur, & ſelō l’indu-