Page:Le Voyage des princes fortunez - Beroalde, 1610.pdf/664

La bibliothèque libre.
Le texte de cette page a été corrigé et est conforme au fac-similé.
621
Fortunez. Entreprise III

_________________________________________________________________


DESSEIN QUATORZIESME.


Qui eſt le plus fidele en amour, les dames ou les hommes. Exemples d’amours eſtranges, & difficiles, ou ſans raiſon. Le verd & ſa ſignification. Amour determiné d’vne Damoyſelle.


DEsia le iour auoit fait reuoir tous les obiets, & ayant reueſtu de ſa propre habitude ce qui eſtoit caché ſous la difformité de la nuict, eſgayoit tout ce qui eſtoit ſous l’eſtendue des Cieux, Que l’Empereur bien accōpaigné, veint au cinquieſme Palais, où l’apreſt des viādes & de tout ce qui ſuyuoit, ne manqua non plus qu’aux autres iours. A l’heure des cauſes il entra en la magnifique Sale, où pour ce iour il fut aſſis non ſelon l’ordre exact de la magnificence imperiale obſeruee és courts des Monarques reſplédiſſans, en vanité de majeſté, plus ſouuent qu’en gloire de vraye dignité, mais en eſprit aſſuieti à la loy d’vn plus grand qui eſt l’Amour, aux ſtatuts du quel il rend toute obeiſſance ſuyuant les couſtumes du lieu, où il eſt venu chercher remede, à ſon mal : bien eſt il qu’il iouyt de la diſpence octroyee à ſa grandeur, ſelon l’ordonnance des Princes & de la Souueraine, qui veulēt que touſiours il ſoit occupé à ce que ſon cœur ne moyſiſſe en l’attente de ſon bien, n’ayant point de diſtraction. Tout eſtant en ordre, Gnoriſe & Xyuoye gouuerneur d’Amelie, ſe preſen-