ps opportun on fera paroiſtre l’Iris, s’il eſt beſoin, apres que les pretendans ſe ſeront preſentez.
La Souueraine fermoit la bouche acheuant cet arreſt & vn gentilhomme ancien & venerable ſe preſenta à l’Empereur, luy diſant, Sire cet arreſt ne peut eſtre executé ſans mon ayde, ie ſuis le vieil Meliquaſte auoué de la Souueraine, & qui ay conſeillé infinis princes & Rois Parquoy ſ’il vous plaiſt me croire, bien vous prendra de me ſuyure, & ie vo° cöduirai au labyrinthe d’Amour iuſques à la rencontre de vos deſirs. I’ay voſtre bien en ma puiſſance, la Belle eſt en mes mains, ie l’ay trouuee apres vne longue recherche par le commandement du Roy ſon pere. Ie l’ay conduite où elle eſt maintenant, & dont elle ne bougera que vous ne l’en tiriés : l’Empereur trāſporté ſe leuoit pour ſuyure Meliquaſte que les deux amās muetz furēt introduitz presētez par Eurogire, adōc la Souueraine tourna vne petit canelle d’or, dont il coula la liqueur notable qui eſt de couleur accomplie, de laquelle elle les arrouſa, auſſi toſt ils furent reſtituez en leur premier eſtat, & renuoyez à leur diſcretion. Cette liqueur eſt icy conſeruee dans vn vaſe d’or brillant cōme verre. On nous a dit qu’elle eſtoit cueillie d’vne fleur qui eſt ſœur du ſoleil, & qu’en ce pais là ils nomment le Soleil de la Terre & ſon ame, ceſte liqueur eſt treſprecieuſe effacant toutes infirmitez, & quelle eſt l’effait de Xyrile qui auſſi ſ’en reſiouit meſme par le continuel vſage qui luy eſt frequent, elle eſt telle que ſon vrine ſe conuertit en baume, ſa ſueur en ambre gris, ſes larmes en perles, ſes ongles en argent & ſes cheueux en or
