Page:Les voyages advantureux de Fernand Mendez Pinto.djvu/225

207

de Fernand Mendez Pinto.

ra, & Vicent Moroſa, voyant le temps propre à effectuer leur deſſein, picquez d’vne loüable emulation ils ſe ruerent deſſus, y iettans grande quantité de pots d’artifice ; & ainſi le feu s’y prit de telle ſorte, que toutes embaraſſées comme elles eſtoient, bruſlerent à fleur d’eau ; ſi bien que la pluſpart de ceux qui eſtoient dedans ſe iettoient en mer, où les noſtres les acheuerent tous de tuer à coups de zagayes, ſans que pas vn d’eux s’en eſchappaſt, de ſorte que ſeulement dans ces trois Lorches il y mourut plus de deux cent perſonnes, & dans l’autre dont le Capitaine eſtoit mort, il n’y eut perſonne qui ſe peut ſauuer, à cauſe que Quiay Panjan alla fondre apres dans la Champana, qui eſtoit le batteau de ſon Iunco, & s’en vint ioindre la terre, où il trouua qu’ils s’eſtoient jettez dans la mer, auſſi la pluſpart furent fracaſſez contre des rochers qui eſtoient aupres du riuage ; ce que voyant les ennemis qui eſtoient reſtez dans les Iuncos, le nombre deſquels pouuoit eſtre de cent cinquante tous Mahumetans, Luzzons & Borneos, enſemble quelques Iaos meſlez parmy, ils commencerent de s’affoiblir de telle façon, que pluſieurs d’entr’eux à leur imitation ſe jetterent dans la mer. Cependant le chien de Coja Acem qu’on n’auoit point conneu encore, accourut à ce deſordre, afin d’encourager les ſiens. Il auoit vne cotte d’armes faites en eſcailles de lames de fer, doublée de ſatin cramoiſy, & frangée d’or, qui cy-deuant auoit appartenu aux Portugais. S’eſtant mis à crier à haute voix, afin que chacun l’entendit, il dit par trois fois, Lah, hilah, hilah, lah Mahumed, rocol halah Maſſulmens & hommes iuſtes de la ſainte Loy de Mahomet, vous laiſſez-vous ainſi vaincre par des gens ſi foibles comme ſont les chiens de Chreſtiens, qui n’ont non plus de courage que des poules blanches, ou que des femmes barbuës ? à eux, à eux ; car nous ſommes aſſeurez du Liure des Fleurs, dans lequel le Prophete Noby promet des delices eternelles aux Daroezes de la Maiſon de la Mecque : außi vous tiendra il promeſſe à vous & à moy, pourueu que nous nous baignions dans le ſang de ces chiens ſans Loy. Auec ces maudites paroles le Diable les encouragea tellement, que s’aſſemblant tous en vn corps ils ſe rallierent au combat, & nous firent teſte ſi valeureuſement, que c’eſtoit vne choſe eſ-