ordené que la deuant dicte Reine Marguerite euſt en lieu dou deuant dict doüaire la cité d’Orliens è Chaſtiau nuef è Checi è Nonuillier, ſi comme la Reine Iſabel les auoit jadis en doaire, ſans en excepter Clari è les autres dons è les fiefs è les aumoſnes qui auoient eſté fetes, lequel juſques adoncques, ſe icelle Reine vouſiſt auoir à gré cet eſchange : à la parfin nous vouſiſmes fere à la deuant dicte Reine, pour ſes deſertes, greigneur grace è aſſigner luy ailleurs ſon deuant dict doaire, en lieux plus prochains è plus proufitables, è poruooir par ce à la pes è au repos de ſa vie : ſi l’i muames è eſchanjames de ſa bonne volenté è de l’aſſentement expres de noſtre fil Phelipe ainzné de nos fils qui ores viuent, le deuant dict doaire è aſſignames à icele Reine Marguerite expreſſement en doaire, en lieu des deuant dictes choſes, Corbeil o les appartenances, Poiſſi o les blez è o les autres appartenances, Meullent o les appartenances, Veirnon o les bois è o les autres appartenances, Pontoiſe o les appartenances, Dordan o les bois è o les
