autres appartenances, la Ferté Aeles o les appartenances, sans les fiefz è les aumoſnes qui ont eſté octroyez à qui que ce ſoit juſques à ores en toutes les deuant dictes choſes, è retenons à nous tant comme nous viurons, pleniere è franche proprieté, de donner à Egliſes è à perſonnes à quelles que nous voudrons, è tant comme nous voudrons, è d’octroier franchement è de confermer à noſtre volenté, les dons, les ventes è les autres alienations, ſe aucunes en ſont fetes : E que ce ſoit ferme è ſtable à touſiours, nous auons fet garnir ceſte preſente page de l’auctorité de noſtre ſcel è dou … de noſtre royal nom qui eſt deſouz noté. Ce fut fait à Paris en l’an de l’Incarnation de noſtre Seigneur mil deux cens & ſexante, ou mois de Iuin, ou trentiſme e quart an de noſtre Royaulme : ceuz preſenz en noſtre palez, deſquieuz les noms è les ſeings ſont deſouz mis, nul Seneſchal, le ſeigneur Iehan le Bouteillier, le ſeigneur Aufors le chamberier, le ſeigneur Gile le conoiſtable. Ce fut donné que il n’y auoit nul chancellier.
