à petit de po(?)rfit, dont s’il eussent fet mon volloir il fuissent delivré pour moult pau pour si paul co(?)e donner eux meismes la ou je(?)les volloie et que je leur monstroie par les vertus qui ont de ce office Je dis dist amo(?)s qu’il fuissent tout franc et d’ame et de corpz s’il eussent fait m'en consel par les virtus qui disent ma vollente et ce q’il couvenoit a eux ains que je n’y embatisse a toute me francise Et pour ce qu’il ne le fissent sont il demore en ce que vous oes avoec eux meismes. Ce seuent li franc anienti aorné de delisses q(?)i voient par eux meismes le seruage d’eux. Car li vrais solaux luist en le lumiere d’eux. Si voient les busquettes ens ou Rai du sole(?)l par le resplendisseur du sollel et du Ray. Et qu(?)nt tels solaux est en l’ame et tel ray et tel resplendisseur, li corps n’a mais foiblece ne li ame cremeur, car li vrais solaux de justice ne sana onquez aine sans saner le corpz quant il faisoit ses miracles sur terre qu’il ne sanast de corpz et d’ame ensement le fait encore, mes il ne fait a nullui q(?)i n’a foi de ce meis(?)z. Or oyes q’i(?)l est gri(?)ns et fors et tres frans et de toutes coses desconbres. q(?)i en soi se fie foi le saintefie. J’ay dit dist amou(?)s, q(?)e cil qui je arguay par le deventrain d’obeir a le parfexion des vertus et n(?)ient n’e(?)n ont fait, qu’il demoront jusques a le mort encombrés d’eux meisz(?), s’il se travilloient chascun jo(?)r avoec eux d’acom(?)plir le perfexion des aposteles par estude de volenté ne seront il mes desconbres d’eux meismez, nuls ne s’i atenge,
