Le texte de cette page a été corrigé et est conforme au fac-similé.
65
ET DES MARIÉES
Je prie au Dieu de toute paix
Remplir vos cerveaulx de raison.
La Seconde Femme.
Elle s’en va en sa maison ;
On ne la peult plus retenir.
La Première Fille.
Mais qui la fist icy venir
Pour me dire une menterie ?
Que j’aymeray ! C’est moquerie ;
Amour en mon cueur nie sera.
La Seconde Fille.
Que mon amy me laissera ?
La faulse Vieille aura menty ;
Jamais ne sera departy
Moy de son cœur, ne luy du myen.
La Première Femme.
Rompre aussi mon chaste lyen,
Ou devenir layde & hydeuse
Comme m’a dict ceste fascheuse,
Hay, vrayment elle mentira ;
Mon mary se convertira,
Me voyant digne d’estimer.
La Seconde Femme.
Le grant feu vous puisse allumer,
Qui veult que j’ayme ou que j’attende
