Page:Marguerite de Navarre - L’Heptaméron, éd. Lincy & Montaiglon, tome IV.djvu/86

La bibliothèque libre.
Le texte de cette page a été corrigé et est conforme au fac-similé.
72
L’INQUISITEUR

Aller dehors, puisque le temps est beau,
Car je n’y fuz encore de sepmaine.
A celle fin que mieulx je me pourmène,
Çà mes soulliers ; oustez moy ces pantoufles.
Contre le froid je treuve chose saine
D’avoir des gants ; donnez moy donq mes moufles[1].

Le Varlet.

Où voullez vous aller, mon Maistre,
En ce temps, qui est si divers ?

L’Inquisiteur.

Je ne sçaurois plus icy estre.

Le Varlet.

Il a l’esperit de travers ;
Les prez sont de neiges couvertz,
Et ne s’en peult l’on retirer.

L’Inquisiteur.

Je voys veoir s’il y a des vers
En quelque nez, pour les tirer.

Il faid froid ?

Le Varlet.

Non faict, ce me semble.

L’Inquisiteur.

A quoy le congnoys tu, Varlet ?

  1. Sorte de gants, surtout fourrés à l’extérieur, où les quatre doigts n’ont pas de séparation & où il n’y en a que pour le pouce. — M.