Page:Marie de France - Poésies, éd. Roquefort, I, 1820.djvu/242

La bibliothèque libre.
Cette page a été validée par deux contributeurs.
226
LAI DE LANVAL.

Si li Reis ne li feiseit dreit
De ce dunt ele se pleindreit.
Li Rois fu du bos repairiés
Mut ot esté le jur haitiés ;310
As chambres la Roïne entra
Quant el le le vit si se clama
As piez li ciet, merci li crie,
E dist que Lanvax l’a hunie ;
Ke de druerie la requist
Pour çou que ele l’escundit,
La laidi mut et avilla ;
De tele amie se vanta,
Ke mult et cointe et noble et fière,
E mix valeit sa canberière320
La plus povre qui la serveit
Que la Roïne ne feiseit.
Li Reis s’en cureça furement,
Juré en ad sen sairement,
S’il ne se puet en Curt deffendre,
Il le fera ardoir u pendre.
Fors de la canbre issi li Rois
De ses Baruns demanda trois ;
Il les enveie pur Lanval
Ki assez a dolur è mal330
A sun ostel ert revenus,
Ja s’esteit bien apercéus,
Kil aveit perdue s’Amie,