Cette page a été validée par deux contributeurs.
254
LAI DES DEUS AMANZ.
Uncore i ad vile è meisuns :
Nus savum bien de la Cuntrée.
Li Vals de Pistre est nomée.
Li Reis ot une fille bele
Mut curteise Daméïsele ;
Cunfortez fu par la Meschine
Puisque perdue ot la Réïne :
Plusurs à mal li aturnèrent
Li suen méisme le blasmèrent.
Quant il oï qu’hum en parla
Mut fu dolent, mut li pesa ;
Cumenca sei à purpenser
Cument s’en purrat délivrer,
Que nul sa fille ne quesist
E luinz, è près, manda è dist :
Ki sa fille vodreit aveir,
Une chose séust de veir,
Sortiz esteit è destiné.
De sur le munt fors la cité
