Page:Marie de France - Poésies, éd. Roquefort, I, 1820.djvu/308

La bibliothèque libre.
Cette page a été validée par deux contributeurs.
292
LAI D’YWENEC.

Mès hastivement revendra :
De la chambre ist, l’uis referma,
Dunt esteit la Vielle levée
Derrier la curtine est alée,
Bien purra oïr è véoir.
Ce qu’elle covoite savoir.270
La Dame jut, pas ne dormi
Car mut desirre sun ami :
Venus i est, pas ne demure
Ne trespasse terme ne hure ;
Ensemble funt joïe mult grant,
E par parole et par semblant,
Desi que tans fu de lever,
Ça dunt l’en estovoit aler.
Ele le vit et esgarda,
Coument il vint è il ala,280
Mès de ce ot ele poor,
Comme meuit è puis ostor.
Quant li Sires fu repairiez,
Qui n’esteit guères esloigniez,
La Vielle li a tut mustré,
Du Chevalier la vérité.
Mut en est dolens è pensis,
E mut de l’enging fu hastis,
A ocirre le Chevalier ;
Quatre broches ad fait forgier,290
D’acier mut agües devant,
Soz ciel n’ot rasoir plus tranchant ;