Page:Marie de France - Poésies, éd. Roquefort, I, 1820.djvu/426

La bibliothèque libre.
Cette page a été validée par deux contributeurs.
410
LAI D’ELIDUC.

Sa bele chambre encurtinée
Li ad li Ostes délivrée.
Eliduc se fist bien servir,
A sun manger feseit venir
Les buns Chevalers meseisez,
Qui al burc èrent herbergez ;140
A tuz ses hummes defendi,
Que ni éust nul si hardi,
Qui des quarante jurs primers
Préist livreisun ne deners.
Al terz jur qu’il ot surjurné,
Li criz leva en la Cité
Que lur enemi sunt venu,
E par la cuntrée espandu.
Jà vodrunt la ville asaillir,
E desi ke as portes venir ;150
Eliduc ad la noise oïe
De la gent ki est esturdie :
Il s’est armez plus ni atent,
E si cumpainuns ensement.
Quatorze Chevalers muntant,
Ot en la vile surjurnant ;
Plusurs en i aveit nafrez,
E des prisuns i ot asez.
Cil virent Eliduc munter
Par les osteus se vient armer,160
Fors de la porte od li eissirent,
Que sumunse ni atendirent.