Jamès par tei, ne par autrui,
Desi que jeo paroge à lui,
Ne li vodrai rien demander,
Kar jeo mesmes li voil mustrer,
Cum l’amur de li me destreint,
Mès jeo ne sai si il remeint.
Li Chamberlenc ad respundu :
Dame, li Reis l’ad retenu
Dèsqu’à un an par serement
Qu’il li servirat léaument ;
Asez purrez aveir leisir
De mustrer lui vostre pleisir.
Quant ele oït qu’il remaneit,
Mut durement s’esjoïeit,
Mut esteit lie de sujur,
Ne saveit nient de la dolur,
U il esteit puis qu’il la vit.
Unc n’ot joïe, unc n’ot delit,
Fors tant cum il pensa de li,
Mut se teneit à maubailli.
Kar à sa feme aveit promis,
Ainz qu’il tornast de sun païs,
Que il n’avereit si li nun
Ore est sis quors en grant prisun ;
Sa léauté voleit garder,
Mès ne s’en peot néent juter
Que il n’en eimt la Dameisele
Guillardun qui tant fu bele.
Page:Marie de France - Poésies, éd. Roquefort, I, 1820.djvu/448
Cette page a été validée par deux contributeurs.
432
LAI D’ELIDUC.
