Page:Marie de France - Poésies, éd. Roquefort, I, 1820.djvu/552

La bibliothèque libre.
Cette page a été validée par deux contributeurs.
536
LAI DE GRAELENT

Il ne se prent de ce regart,
Après se met, trop li est tart :
L’eve li clot deseur le frunt,
A grant paine resort à-munt ;
Mais el l’a par la renne pris,
A terre l’a arière mis,670
Puis li dit qu’il ne puet passer,
Jà tant ne s’en sara pener,
Cummande li que voist arière.
Ele se met en la rivière,
Mais il ne puet mie sufrir
Que de lui le voie partir :
En l’eve entre tut à cheval,
L’unde l’enporte cuntreval ;
Départi l’a de sun destrier.
Graelent fu près de noiier,680
Qant les Puceles s’escrièrent,
Ki aveuc la Damoisele èrent :
Damoisele, por Diu, merci,
Aiés pitié de vostre ami ;
Véés, il noie à grant dolur.
A las ! mar vit unques le jur
Que vus primes à lui parlastes,
E vostre amur li otroiastes :
Dame, voiiés, l’unde l’enmaine,
Por Diu, c’or le jetés de paine690
Mut est grant dex s’il doit morir[1],

  1. Dex, deuil, tristesse.