Père et Marastre[1] ot desus soi.
Li Roïs l’ot cier que plus n’ot,
Et la Roïne mout l’amot.
De l’autre part une Meschine,
D’autre Signor ot la Roïne ;
Preus et cortoise ert la Pucele,
Et si estoit mout jovencele,
Fille de Roi et de Roïne,
La coulor ot et bele et fine
Andui furent de haut parage ;
N’estoient pas de viel éage ;
Li aisnés n’aveit que sept ans,
C’est cil ki estoit li plus grans.
Li doi enfant mout bel estoient,
Volentiers ensanble vivoient,
....................[2]
En itel guise s’entramoient,
Que li uns d’aus riens ne valoit,
Se li autres dalès n’estoit ;
Ensi estoient ce me sanble,
Nourri trestout adès ensanble.
Ensanble aloient et vivoient,
Et cil ki garder les devoient,
De tout lor donnoient congié,
Ne lor faisoient nul fourkié,
Page:Marie de France - Poésies, éd. Roquefort, I, 1820.djvu/560
Cette page a été validée par deux contributeurs.
544
LAI DE L’ESPINE.
