Page:Marie de France - Poésies, éd. Roquefort, I, 1820.djvu/594

La bibliothèque libre.
Cette page a été validée par deux contributeurs.
578
LAI DE L’ESPINE.

Tant a erré que vint au jor,
Et vint à la Cort son Signor.
Li Rois le voit et fu moult liés,
Mais de chou s’est-il merveilliés,
Et cil a prise la Mescine,
Sire est endroit soi la Roïne.470
Cel jor si com j’oï conter
A fait li Rois sa Cort mander,
Et ses Barons et autre gent,
Por le droit d’un commandement.
De deux Barons qui se mêlèrent,
Et devant le Roi s’accordèrent.
Oïant toute cele asanblée
Li fu l’aventure contée
Comment avint au Chevalier
Au Gué ù il ala gaitier480
Premièrement de la Meschine
Qu’il l’a trouva desous l’Espine
Puis des joustes et del’ cheval
Que il gaaigna au vassal.
Li Chevaliers et près et loing
Le mena puis en maint besoin
Et richement garder le fist
Et la Meschine à feme prist
Tant garda et tint le destrier
Que la Dame voit assaier.490
Ce c’est de cheval vérité,
Que son Signor a tant gardé,