Le texte de cette page a été corrigé et est conforme au fac-similé.
133
DE MARIE DE FRANCE.
Unt deci à lui anvoiée.
La Masenge vola tut dreit
Jusqu’à l’arbre ù cil esteit,
Munt s’esteit près de lui assise,
Si l’esgarda par grant cointise[1].
Ne li plust gaires sa menière,
Qar il faiseit malveise chière :
Ancor vorra plus halt munter,
Sun curaige viaut espruver.
Sor une branque halt s’est mise,
Desor sun dos s’est puis assise ;
Unques li Cucus most ne dist,
Ne pojor sanlant ne li fist[2].
Arrière s’an vait la Mazange,
Le Coucu laidist è blestange[3],
Jà de lui ne ferunt Seingnur.
Aus altres a dit la deshennur
- ↑
Sur une branche en halt sailli,
De sor son dos li est melti (muelti).