A lui garir ont moult pene
Ses seror que moult emproia.
Enyde en eles se fia,
Car eles moult l’aseurèrent.
Primes la morte car ostèrent,
Puis i misent solonc m’entente,
A lui garir moult grant entente ;
Et celes qui moult en savoient
Sovent ses plaies bien li lavoient,
Et remetent emplastre sus
Cascuns jor une fois ou plus.
Le faisoient mangier et boivre
Si le gardent d’aus et de poivre.
.........................
A lui garir misent tel paine
Les puceles qu’ancois qu’on saine
Ne senti ne mal ni dolor ;
Lors por revenir sa color
Le comenchièrent à baigner.
Roman d’Erec et d’Enide, par Chrestien de Troyes, in-f°, fonds de Cangé, n° 27, olim 69, et ancien fonds 7535—5, fo 153, vo col. 1 et 2.
Et cascun jor un orinal
Li portoit por veir s’orine,
Tant quele vit que médecine
Jamais aidier ne li porroit
En cel jor méisme morroit.
Icele orine a aportée
Si la estroitement gardée.
Tant que l’emperere leva
Maintenant devant li ala
Si li dit, se vous comandés,
Sire, tos vos mires mandés
Car madame a s’urine faite
