Cum il voléïent sus venir
Li Diable les rebotouent
Od crocs de fer ens les plunjouent.
Li Chevaliers se remembra,
Le non Jhesu-Crist réclama ;
De l’autre part fust en estant
De-sur la rive maintenant.
Puis sunt li Diable venu
A lui ; s’il traistrent vers le su
Tant k’il vit une flame oscure,
Sulphrine è puant sans mesure.
De chascun âge de la gent
Vit lever od l’embrasement
Homes ardanz cum estenceles
Qui hors del feu eissent noveles.
En l’air montoient, puis chaïrent
Arière el feu, dunt eissirent
En liu ardent, è en puur,
E en tristesce, è en dolur.
Cum cest liu durent aprimier
Si parlèrent al Chevalier.
Véez vus icest pui flambant ?
Ce est l’entré d’enfer ardant.
Ici est nostre mansiuns
Finablement ça enz serruns ;
Pur ço ke servi nus avez
Page:Marie de France - Poésies, éd. Roquefort, II, 1820.djvu/472
Le texte de cette page a été corrigé et est conforme au fac-similé.
460
POÉSIES
