Le texte de cette page a été corrigé et est conforme au fac-similé.
484
POÉSIES
E k’il ert de touz ses pécbiez
E délivres è espurgiez.
Biau frère chier, or vus hastez,
Délivrement vus en alez,
Que tus ne seïez ci suspris
Il adjorne en vostre païs ;
Li Priors ert encuntre vus
Qui de vus ert lez et joius,
A grant joïe vus recevra
E en l’iglise vus menra,
La porte ert après refermée
Par où vous éustes l’entrée ;
Il reçut lur bénéiçon,
Si s’en issi de la maison.
A la porte vint de cler jur,
Encontre lui vint li Priur
Qui volentiers l’ad recéu
Mult fu lez quant il l’out véu ;
En l’iglise le fist entrer
E quinze jurs là demorer
En jeunes è en oreisuns,
En veilles è en afflicciuns :
Puis reconta tut ce qu’il vit,
E il le mistrent en escrit
En honur Deu sun créatur ;
Croiser se fist par grant amur
