Page:Marie de France - Poésies, éd. Roquefort, II, 1820.djvu/499

La bibliothèque libre.
Le texte de cette page a été corrigé et est conforme au fac-similé.
487
DE MARIE DE FRANCE.

Le servireit à sun pleisir
Que de ço faire out grant désir ;
Veirs est nel’ céler ore mie
Tant com jo fud en l’autre vie,
Vi-jo, si l’ai bien en mémoire,
Ke cil furent en greignur gloire
De lur ordre è de lur covent
Que tuit le plus del’ autre gent.1970
Issi remist od Gilebert
Li Chevaliers, è bien le sert ;
Meis ne voleit changer sun estre,
Moigne ne convers ne volt estre,
En non de chevalier morra,
Jà autre abit n’en recevra.
Cil dui fundèrent l’abbéïe
E mistrent genz de bone vie ;
Gilebers en fu célériers
E Oweins fu ses latiniers.1980
Mult parfu bon léaus serganz
E en tuz ses bosoigns aidanz ;
Ensemble dous ans è dimi
Furent, è puis s’en départi.
Gileberz dit ke seintement
Viveit, è mult honestement :
Tant com li Chevaliers i fu
Mult en out grant cunfort perdu.
Après ço par confessiun