Kar ensemble les décevruns
Li meistre dit : vols-tu aïe ?
N’ai-en, dist-il, jo n’en quier mie ;
Mult li saveit bon gré ses mestres,
Or oïes cum ovra li Prestre.
El demain la meschine apele :
Si lui dist, tant ore à le bele,
Là enz cucher desur mun lit
Si acumplirai mun délit.
La meschine délivrement
Aveit fait sun cumandement,
Li Prestre vint si l’esguarda,
Mult durement se purpensa,
Del’ ovraigne k’i deveit faire
Où li Diables le voleit traire ;
Par quei aureit le bien perdu
K’il aveit fait è meintenu.
La grace de Deu i ovra
Hors s’en issi, cele i leissa
Un coutel prist k’il aporta
E ses génitailles trencha,
Hors les geta de maintenant
E puis dist as Diables à-tant :
Oez, espiriz maufessanz,
Jamès ne serrez joïssanz
De la nostre perdiciun
Par ceste malveise achaisun.
Page:Marie de France - Poésies, éd. Roquefort, II, 1820.djvu/510
Le texte de cette page a été corrigé et est conforme au fac-similé.
498
POÉSIES
