France, suscita guerre à Girard de Rossillon, fils de Rahon, roy de Bourgogne, lequel de Rahon estoit pour lors aux Espagnes à l’encontre des infidèles et ennemis de la foy chrestienne, a raison de quoy le dit roy Charles ne fist savoir aucune defiance audit Girard de Rossillon, et conspira trahison par un nommé Guy de Montmorency, lequel, en l’absence du dit de Rahon, roy de Bourgogne investit legerement aucunes places sur ledit Girard, comme le chasteau de Sainte Croix Badalil étant desu Poitier[1], que haute[2] et fit grandes conquetes jusqu’a ce que ledit Girard lors estant en Provence, avec une sienne sœur femme du comte de Provence, se tira en Bourgogne avec quatre de ses neveux, fils de sa dite sœur, a sçavoir Fouques, Saugnin, Gours et Adrien, atout ce qu’il peut assembler de genz, et vint audit Frin, et fist remuer et refaire ledit chasteau de Grimont, et la fit son armée pour illec attendre ledit roy Charles le Chauve, lequel avoit déjà assiegé une place nommée Gaillardon[3], distante a une lieue et demie dudit Frin, et illec bastit et fonda un chasteau qu’il appella Chastel Charlon[4] en son nom, durant qu’il fut devant ledit Gaillardon. Pendant lesquelles choses ledit Girard de Rossillon alloit et venoit souvent par le pays pour amasser gens ; de meme contre un chasteau qui se nomme a Jontroyne[5], a raison de quoy plusieurs de ses capitaines n’etoient point contents de sa longue demeure qu’il faisoit au dit Frin, qui dura plus de dix-huit mois, disant qu’il devoit combattre sans la tant surattendre. Lequel Girard de Rossillon avertit de ce que dessus, fit assembler ses capitaines en conseil, leur remontrant que ce qu’il avoit tant differé de combatre estoit qu’il esperoit toujours amasser gens pour son armée, et qu’ils pouvoient bien connoistre la grande puissance du roy Charles, qu’estoit telle que le dit roy Charles avoit vingt hommes contre un des siens.
Page:Meyer - Girart de Roussillon, 1884.djvu/138
Le texte de cette page a été corrigé et est conforme au fac-similé.
cxx
introduction
