Ker li boens Mareschas por voir
S’en vint tut de bot al dreit eir
Maheut l’empereriz, sanz faille.
Maint estor e mainte bataille
E mainte grant peine e maint grief
Soufri por lui a grant meschief
Ainz [que] l’ovre fust amaisni[é]e.
Treis cens cheval[i]ers de maisni[é]e
Tint o sei li frans cheval[i]ers,
A ses robes, a ses deniers,
A fers, a clous, a livresons,
A beals semblanz, a riches dons,
Cum cil kui bien le savoit faire
E les boens tenir e atraire.
Mais de l’estore de la terre,
Ne de la pais ne de la guere
Ne voil or plus ci endroit dire,
Einz revendrai a ma matire
Del preudome corteis e sage,
Qui prist feme de haut parage,
Bele e bone e joiose e liée,
E si estoit bien enseigniée.
A grant joie furent ensemble
Lune tens, eissi com[e] mei semble,
Tant que dous filz out de la dame :
Ne trovast l’en treske a Seint Jame
Si trés beals enfanz come il érent.
Tant crurent e tant s’entenérent (sic),
Quant il ourent entendement,
45 Marescahs. — 47 Maheit. — 56 semblenz. — 59 estore est douteux ; il semble qu’il y ait estate. — 66 been. — 72 s’entenérent, corr. s’entr’amérent ou amendérent, comme au v. 84.
