Cette page n’a pas encore été corrigée
CLI DU CHEVALIER QUI RECOVRA L AMOR DE SA DAME [par Pierre d’Alphonse] Bibl. de Berne, Mss. 354, fol. 1 60 r» à 162 v». ANS plus longuement deslaier, M’estuet conter d’un chevalier Et d’une dame Tavanture, Qui avint, ce dit l’escriture, N’a pas lonc tans, en Normandie. Cil chevalier voloit s’amie Faire d’une dame, et grant poine Sofroit por lui qu’el fust certaine Que il l’amoit, car il faisoit Totes les choses qu’i savoit Q^à la dame deûssient plaire. Je ne voil pas lonc conte faire : Cil chevaliers tant la requist Que la dame à raison lo mist Un jor, et li demande et quiert De quel aconte il la requiert D’amor, qant il jor de sa vie Ne fist por li chevalerie