Louis XI,
à Paris,
Septembre
i46i.
62 Ordonnances des Rois de France
(2) Item. Que aucun maistre dudit mestier ne sera si hardy de actraire à soy les variez de l’autre, à mesme peine de soixante sols ung denier ; (3) Item. Que les maistres dudit mestier csliront chascun an quatre d’entr’eulx pour faire garder, entretenir les droiz et ordonnances dudit mestier, lesqueulx quatre esleux ils présenteront chascun an à chascun nouvel maire, pour faire le serment en sa main de tenir et garder toutes les ordonnances contenues en ces présentes, et de rapporter bien et loyaulment, devers la justice de ladite ville, toutes les amendes et forffaictures que ilz trouveront audit mestier, sans aucunes en receller ; et ledit serment fait, lesdits quatre esleux pourront aler, touteffoiz que bon leur semblera, appeler avecques eulz ung des sergens de ladite ville ès hostels et ouvreurs desdits maistres dudit mestier, et ailleurs où ils sauront que aucuns exerceront ledit mestier, veoir et visiter l’ouvraige qu’ilz feront ; et s’ilz y treuvent faulte, oy leur rapport et jouxte icellui, tous ceulx qu’ilz trouveront delinquans seront contrains, par justice de la ville, à l’amende de soixante solz ung denier pour chascune foiz qu’ilz seront trouvez en faulte ; (jf) Item. Que se aucun maistre dudit mestier use de mauvaise, deshonneste ou dissolue vie, ou qu’il en seufffe user en sa maison, sitost qu’il en sera actainct, ledit mestier lui sera interdit et deffendu, et ne sera plus si hardy d’en ouvrer en ladite ville ;
(j)ltem. Que, les festes des apostres, lesditz maistres ne leurs gens et varletz ne seront si hardiz de ouvrer dudit mestier, pour quelque personne ou cause que ce soit ; et aussi ne seront si hardiz de en ouvrer les samediz, les vigilles des quatre festes Nostre-Dame et des festes de Toussains, Noël, Pasques et Penthecoste, fors seulement jusques à ce que le gros sin de commune de ladite sonnera, si ce n’estoit toutesvoyes pour nopsailles, ou pour gens qui voulsissent aler en voyaige, ou porter estât de viduité, à la peine, c’est assavoir chascun maistre de cinq sois, et chascun varletz soit aloue ou autrement de deux six deniers , pour chascune fois que iceulx maistres et varletz feront le contraire ;
(d) Item. Que se en ladite ville a aucuns mesturiers tenans ouvreurs qui ne soient de commune, ne expers et suffisans pour exercer ledit mestier, ils seront examinés par les maistres dudit mestier ; et se ilz ne sont trouvez suffisans, il leur sera deffendu et interdit de tenir ouvrouer en ladite ville, jusques à ce qu’ilz soient expers et souffisans pour exercer ledit mestier ; (y) Item. Que tous ceulx qui vouldront tenir ouvrouer en ladite ville, qu’ilz seront trouvez souffisans et expers ad ce par les gardes dudit mestier, seront tenuz de faire chascun en droit soy ung disner aux maistres dudit mestier, et de payer en oultre ung réal, au prouffit de la confrérie de Saint-George, de ferme en l’église Saint-Sauveur de ladite ville ; (S) Item. Que, pour ordonner et eslire lesdits quatre maistres nouveaulx jurez dudit mestier, les maistres exerçans ledit mestier en ladite ville seront tenus de eulz assembler chascun an le dimenche d’après Qtiasimodo, au lieu où les quatre maistres précédons leur manderont et feront sauoir ; et au cas que aucuns desdits maistres mandez ne viendront à ladite assemblée, ilz encoureront chacun à la peine de deux livres de cire a applicquer au prouffit de ladite confrérie Saint-George, se ilz n’ont exoine ou excusation raisonnable ; et non obstant leur absence, la plus grant et saine partie desdits maistres assemblez pourront eslire lesdits quatre nouveaulx maistres, pareillement que si tous y escheoient ; (ÿ) Item. Que toutes les amendes qui sur ce seront commises et trouvées,
