fit éclater sa toute-puissance ; car cette nuit mesme l’empereur Alexis sans aucune autre occasion prit de son tresor ce qu’il peût, et avec ceux qui le voulurent suivre s’enfuit en cachette[1] et abandonna la ville. Dequoy les habitans demeurérent d’abord merveilleusement étonnez et surpris ; et à l’instant s’en allérent à la prison où l’empereur Isaac, qui avoit eu les yeux crevez, estoit detenu ; d’où, aprés l’avoir revestu de ses ornemens et habits imperiaux, ils l’emmenérent au palais de Blaquerne, et le firent seoir dans le throsne, luy prestans de nouveau obeïssance comme à leur naturel seigneur. Aprés cela, de l’avis de l’empereur Isaac, ils envoiérent des deputez au camp pour avertir le prince son fils, et faire entendre aux barons comme le tyran s’en estoit fuy, et comme Isaac avoit esté derechef reconnu empereur. Sur cette nouvelle, le prince manda le marquis de Montferrat, et le marquis les barons par toute l’armée ; lesquels s’estans assemblez au pavillon du prince, il leur fit part de cette nouvelle, de laquelle ils témoignérent la réjoüyssance telle qu’on peut assez se la persuader en cette occasion, remercians et loüans Dieu tres-devotement de ce qu’en si peu de temps il les avoit secourus, et que d’un estat si deploré où estoient leurs affaires il les avoit mis au-dessus. Ce qui fait voir que ce n’est pas sans raison qu’on dit vulgairement qu’à celuy à qui Dieu veut ayder, nul ne peut nuire.
95. Cependant le jour ayant commencé à paroistre, tous ceux de l’armée prirent les armes et se mirent en
- ↑ S’enfuit en cachette. Alexis se retira dans la ville de Zagora, autrefois Debeltus, place appartenant au roi des Bulgares.
