où ceux du pays le receurent, et luy prestérent serment de fidélité comme à leur seigneur ; et furent dautant plus aises de son arrivée qu’ils avoient grand besoin d’estre secourus, parce que Jean roy de Walachie leur faisoit fortement la guerre, et les tenoit oppressez ; c’est pourquoy il leur vint bien à propos, leur aydant de si bonne sorte, que la plus grande partie de la contrée, mesmes ceux qui avoient pris le party de Jean, se tournérent de son costé. Et de là en avant la guerre fut grande entre eux dans ces quartiers là.
167. Bien-tost aprés l’Empereur fit passer cent chevaliers au delà du braz de Sainct George vis-à-vis de Constantinople, sous la conduite de Machaire de Saincte Menehoult, accompagné de Mathieu de Valincourt et de Robert de Ronçoy. Ils tirérent droit à Nicomedie, qui est une ville assise sur un golfe de mer, à deux journées de Constantinople. Les Grecs, ayant eu le vent de leur arrivée, abandonnérent incontinent la ville et s’enfuirent ; et les nostres la trouvans vuide s’y logérent, la fermérent et y mirent garnison, et de là commencérent à faire la guerre dans la Natolie. Il y avoit en ce temps-là un seigneur grec, appellé Theodore Lascaris, qui avoit espousé la fille de l’Empereur, celuy que les François avoient chassé de Constantinople, et qui avoit fait crever les yeux à son frére, au nom de laquelle il possedoit en ces quartiers là quelques terres et seigneuries. Cettuy-cy faisoit la guerre aux François qui avoient passé le détroit, en tous les lieux qu’ils occupoient. Cependant l’empereur Baudoüin estoit demeuré à Constantinople avec le comte Louys de Blois et peu de
