distrent que se il ne secoroient Perron de Braiecuel et Paiens d’Orleans, que il estoient mort, et que il avoient la terre pardue. Si armérent mult isnellement quatorze galies, et les garnirent et des plus haltes gens des Venitiens et de tot les barons l’Empereor. En une entra Coenes de Betune et sa gent. Et en l’autre Joffrois de Ville-Hardoin li mareschaus et la soe gent. Et en la tierce Machaires de Sainte Manealt et la soe gent. En la quarte Miles de Braibanz. En la quinte, Ansials de Kaeu. Et en la sixte Tyerris de Los qui ére seneschaus. Et en la septiesme Guillelme del Perchoi. Et en la huitiesme Eustaces le frere l’Emperéres. Et ensi mist per totes les galies sa meillor gent l’emperéres Henris. Quant elles partirent del port de Constantinople, bien distrent totes les gens qui les virent, que onques mais galies ne furent mielz armées, ne de meillor genz ; et ensi fu respoitiez li allers d’Andrenople à céle foiz, et cil des galies s’en allérent contre val le braz vers Equise droit. Ne sçay comment Esturions le sot, li ammiraus des galies de Toldres Lascres, si s’en parti d’Equise, et s’en alla et s’enfui contre val le braz, et cil le chaciérent deux jorz et deux nuiz, trosque forz de boche d’Avie bien quarante miles. Et quant il virent que il ne porroient atteindre, si tornérent arriére, et revindrent en Equise, et trovérent Perron ale Braiecuel et Paiens d’Orleans. Et Toldres Lascres se fû deslogiez de devant, et fu repairiez arriére en sa terre. Ensi fu secorue Equise, com voz oez. Et cil des galies s’en tornérent arriéres en Constantinople, et ratornérent lor oirre vers Andrenople.
Page:Petitot - Collection complète des mémoires relatifs à l’histoire de France, 1re série, tome 1.djvu/459
Le texte de cette page a été corrigé et est conforme au fac-similé.
441
de constantinople. [1207]
