Pour les autres éditions de ce texte, voir Le Miroir des simples âmes (Valenciennes 239).
L’ame. Mais une chose me plaist a dire dit ceste ame, non mye po(?)r ceulx qui sont en estant, car ceulx n’en ont que faire, mais po(?)r ceulx qui ne le sont qui encores le seront, et ceulx en ont a faire, et c’est qu’ilz soient sur leur garde, affin que se amo(?)r leur demande aucune chose de ce mesmes que elle leur a presté, que ilz ne l’escondissent po(?)r nulle chose qui avenir puisse a quelque heure que ce soit, ne po(?)r quelqe vertu que amor y envoye po(?)r faire le message. Car les vertuz portent en lieu de message le vouloir d’amor par lectres scellees de leur seigneur, ainsi comme font les anges de la tierce jerarchie.
Et aussi sachent tous ceulx a qui amo(?)r envoie ses messages, que se ilz escondissent en ce point la, ce que les vertuz demandent par le dedans qui doit avoir sur son corps seigneurie, que jamais leur paix ne feront, au souverain qui le message envoye, que ilz ne soient reprins et troublez en cognoissance, et encombrez d’eulx mesmes par failte de fiance. Car amor dit que au grant besoing voit l’en son amy.
Raison. Or me respondez ycy dit raison. Se il ne luy aide au besoing, quant luy aidera il dictes le moy?
Amour. Et se il ne m’en souvient dit amor
