Le texte de cette page a été corrigé et est conforme au fac-similé.
237
chapitre ii.
l’vne partie du monde se desguisera pour tromper lautre, & courront parmy les rues comme folz, & hors du sens. Lon ne veit oncques tel desordre en nature. Et se seront ceste année plus de xxvij. verbes anomaulx, si Priscian ne les tient de court. Si Dieu ne nous aide nous aurons prou d’affaires, mais au contrepoinct s’il est pour nous, rien ne nous pourra nuire, comme dict le celeste astrologue, qui fut rauy iusques au ciel, Ro. vij. c. Si Deus pro nobis quis contra nos[1] ? Ma foy nemo domine[2]. Car il est trop bon, & trop puissant. Icy benissez son sainct nom, pour la pareille.
