Laiſſer agir encor la Princeſſe & la Reine,
Accordez-tout ce jour à leur preſſant deſir,
Voyons ſi leur deſſein ne pourra reuſſir.
Ne donnez-pas la joye au Prince voſtre Frere,
De dire que ſans vous la Paix ſe pouvoit faire.
Vous aurez ſatisfait une Mere, une Sœur,
Et vous aurez ſur tout ſatisfait voſtre honneur.
Mais que veut ce Soldat ? ſon ame eſt toute émuë.
ANTIGONE, HEMON,
Eigneur on eſt aux mains, & la tréve eſt rompuë,
Et les Thebains conduits par Creon & leur Roy,
Attaquent voſtre Armée & violent leur foy.
Le brave Hippomedon s’efforce en voſtre abſence,
De ſouſtenir leur choc de toute ſa puiſſance,
Par ſon ordre Seigneur, je vous viens avertir.
Ah les traiſtres ! Allons, Hcmon, il faut ſortir. à la Reine,
Madame vous voyez comme il tient ſa parole,
Mais il veut le combat, il m’attaque, & j’y vole.
