Page:Ricci - Trigault -Histoire de l'expédition chrestienne au royaume de la Chine, Rache, 1617.djvu/3

La bibliothèque libre.
Le texte de cette page a été corrigé et est conforme au fac-similé.


A MESSEIGNEURS MESSIEURS LES


REWART, MAYEUR,
ESCHEVINS, CONSEIL, ET HUICT HOMMES
DE LA VILLE DE LILLE.


MESSEIGNEURS

Ayant en main l’histoire de la Chine faicte en Latin par le R. P. Nicolas Trigault de la compagnie de Jesus, & puis en François par le Sr. D. F. de Riquebourg-Trigault, il m’a semblé estre plus que raisonnable vous l’offrir, & la faire marcher souz l’ombre de vostre bien-vueillance, & faveur. Et ce d’autant que c’est une Histoire fort autentique tiree des memoriaux, & papiers que le R. P. Matthieu Ricci de la mesme compagnie avoit laissez. Lequel pour s’estre tenu en la Chine l’espace de 30 ans, a peu cognoistre parfaictement l’estat de ce Royaume ; outre ce que la beauté & rareté du sujet est telle, que toute l’Europe l’admire, & l’a receu avec grandissime contentement, ayant esté imprimé en Allemagne, & depuis en France, & maintenant en vostre ville pour la troisieme edition.

Certainement si l’Histoire, comme dit Ciceron, est celle qui donne tesmoignage des siecles passez, la lumiere de verité, la vie de la memoire, l’adresse de nostre vie, la messagere de l’antiquité : Il m’est advis que tous ceux qui sont appelez