Cette page n’a pas encore été corrigée
STANCES
DE LA FONTAINE D’HELENE
Pour chanter ou reciter à trois personnes.
LE PREMIER
Ainsi que ceste eau coule et s’enfuyt parmy l’herbe,
Ainsi puisse couler en ceste eau le souci,
Que ma belle Maistresse, à mon mal trop superbe,
Engrave dans mon cœur sans en avoir mercy.
LE SECOND
Ainsi que dans ceste eau de l’eau mesme je verse.
Ainsi de veine en veine Amour qui m’a blessé.
Et qui tout à la fois son carquois me renverse,
Un breuvage amoureux dans le cœur m’a versé.
LE PREMIER
Je voulois de ma peine esteindre la mémoire :
Mais Amour qui avoit en la fontaine beu,
Y laissa son brandon si bien qu’au lieu de boire
De l’eau pour l’estancher, je n’ay beu que du feu.
LE SECOND
Tantost ceste fontaine est froide comme glace.
Et tantost elle jette une ardante liqueur.
